Казанда яшәүче укучы кыз Самирә Хәсәнова баллы күмәч рецепты белән уртаклаша.
Башта 250 грамм җылы сөт, 4 аш кашыгы шикәр комы, 7 грамм коры чүпрә, 2 аш ашыгы он кирәк була. Яхшылап болгатырга һәм 15 минут ял иттерергә. Бу масса күперә башлагач, 1 йомырка, 1 йомырканың агын (сарысын күмәчне майлар өчен калдырырга), 50 грамм атланмай, 1 чеметем тоз һәм өлешләп он салырга (якынча 350 грамм).
Камыр йомшак булырга тиеш, өстен үсемлек мае белән майларга һәм, азык пленкасы каплап, җылыга куярга. Камыр күпергәч, аны кабат изәргә һәм теләгән калынлыкта җәяргә. Үсемлек мае белән майларга, шикәр комы сибәргә. Рулет итеп төрергә һәм тигез кисәкләргә бүләргә.
Табага пергамент кәгазе куярга, күмәчләрне тезәргә һәм йомырка сарысы белән майлап чыгарга.
Духовканы 170 градуска кадәр кыздырырга һәм 20 минут пешерергә.
Чәегез тәмле булсын!
Фотоны Сәмирә Хәсәнова тәкъдим итте.