“Баллы” кабартма (рецепт)
Камыр өчен: 2 йомырка, 1 банка куертылган сөт, ярты бал калагы сода, тоз, чама белән он. Кыздыру өчен үсемлек мае.
Барысын бергә кушып болгатырга. Камыр бераз ябыша торган була. Камырны берничә кисәккә бүләргә, куна тактасына он сибеп, 1 см калынлыкта җәяргә. Төрле фигуралар белән кисәргә.
Кызган үсемлек маена салып сүрән утта ике ягын да кыздырырга. Кабартмаларның артык мае саркысын өчен салфеткага салып торырга.
Өлкәннәр дә, балалар да төрле фигуралы кабартмаларны яратачак. Чәегез тәмле булсын!
