Мәскәүдә шәхси клиникада аборт ясаганда, йөкле хатын 3 литр канын югалткан. Бу турыда РЕН ТВ яза.
Хатын үлә язган, тик аның янында анестезиолог та, реаниматолог та булмаган.
РЕН ТВ чыганагы белешмәсе буенча, 37 яшьлек хатынның аналыгын тишкәннәр, шуннан соң кан ага башлаган. Операция вакытында анестезиолог та, реаниматолог та булмаган.
«Зыян күргән хатынны геморрагик шок халәтендә башкала хастаханәләренең берсенә китергәннәр. Ул реанимациядә», – дигән канал чыганагы.
