Балашихада тереләй янып үлгән эшченең соңгы минутларын видеога төшереп торганнар
Балашихада тереләй янып үлгән эшченең соңгы минутларын видеога төшереп торганнар
24 гыйнварда Мәскәү өлкәсенең Балашиха шәһәрендә бер фатирда янгын чыккан. Шунда ике эшче тереләй янып үлгән. Алар янгыннан котылырга маташкан. Шул мизгелләрне күрше йорт тәрәзәсеннән видеога төшереп торганнар. Бу кадрларны «Вести» каналы күрсәтте.
Кичке тугыз тирәсендә Кольцевая урамындагы йортның унбишенче катында янгын була. Ялкын чолгап алган фатирдан каты шартлау тавышы да ишетелә. Башта шартлау турында хәбәрләр тарала. Тик соңрак коткаручылар бу сүзләрне кире кага. Каты шартлау тавышы пыяла пакет ярылудан килеп чыккан, дип аңлаталар.
- Янгын булган йорт 2018 елда гына куллануга тапшырылган дип язган идек.
Видеодагы кадрлар башланганда панорамалы тәрәзәнең пыяласы булмый инде. Аның кыйпылчыклары аска төшеп китә. Пыяла ватыклары бер автомобильне яньчи.
Кадрларда тәрәзә төбендә басып торган
Россия Тикшерү комитетының Мәскәү өлкәсе буенча Тикшерү идарәсе матбугат хезмәте хәбәр иткәнчә, эшчеләрнең берсе 44 яшьтә (1975 елда туган), икенчесе 35 яшьтә (1984 елда туган) булган. Алар фатирда ремонт ясаган вакытта газ баллоннарын кулланган.
Яныгынның гомуми мәйданы 20 квадрат метр тәшкил итә. Йорттан 30 кешене эвакуациялиләр. Тикшерүчеләр версиясе буенча, куркынычсызлык кагыйдәләрен үтәмәгәнгә гадәттән тыш хәл килеп чыккан. Фаҗига вакытында фатирның стеналары, лифт шахтасы, түбә җимерелә. Түбәнең бер өлеше ишелеп төшә.