Составында синтетик җепселләр күп булган кием дымны яхшы начар сеңдерә һәм парник эффекты барлыкка килә, шуңа күрә ул балалар сәламәтлеге өчен куркыныч. Бу хакта Роскачество җитәкчесе урынбасары Елена Саратцева кисәтте, дип яза «Радио 1» сайты.
Ул аңлатканча, парник эффекты тирене ярсытырга, аллергия китереп чыгарырга һәм хәтта тәндә урыны белән температураны да күтәрергә мөмкин. Шулай да синтетика тулысынча начар нәрсә түгел. Аның өлеше 55 проценттан арткан кием-салым куркыныч тудыра.
«Бала тирләгәндә дым тукымага сеңми, ә тире өстендә кала һәм кием сырларында туплана. Бу пешегү, кызарыну һәм башка дерматологик проблемалар китереп чыгара», – дип сөйләгән Саратцева.
Мондый шартлар полиэтилен пленкасы эффекты бирә һәм балаларның нәфис тиресе өчен куркыныч. Шул ук вакытта тукыма составының күп өлешен вискоза яки башка натураль материал тәшкил итсә, синтетик кием рөхсәт ителә.