Баланы бер үк сыйныфта икенче елга кабат калдыру өчен өч шартның берсе үтәлергә тиеш. Бу турыда «Известия» яза.
Алар «Россия Федерациясендә мәгариф турында» № 273-ФЗ федераль законның 58нче маддәсендә язылган.
Баланы шул ук сыйныфта кабат калдыру өчен таләп ителә торган шартлар:
- академик бурыч булу,
- бурычны 12 айда яба алмау,
- ата-анасының ризалыгы, язма рәвештә.
Әгәр сүз чыгарылыш сыйныфлар – 4, 9 һәм 11 сыйныфлар – турында булмаса, баланы ата-анасы ризалыгыннан башка икенче елга калдырып булмый. Ә менә алда әйтелгән сыйныфлар булса, бала программаны үзләштерә алмаса, аны кабат шул сыйныфта ата-анасы ризалыгыннан башка да калдырулары ихтимал.
Академик бурыч – ул начар билге генә түгел, ә күп итеп дәрес калдыру да. Ләкин, баланы беркем дә шунда ук икенче елга калдырмый, аңа бурычын тапшырырга вакыт бирелә.
Укучыларны икенче елга калдыру мәктәпкә дә файдага түгел – ул мәктәпнең рейтингына тискәре йогынты ясый.
Мәктәп программасын үзләштерә алмый торган бала индивидуаль укыту планына яки гаиләдә белем бирүгә күчә ала.
Тагын бер мөһим пункт – чиректә «канәгатьләнмәслек» билгеләр саны. Икенче елга шул ук сыйныфта калдыру өчен, бер чиректә 2 «икеле» һәм еллык билгеләр арасында 1 «икеле» булу – ата-аналар һәм балалар өчен «кызыл флаг» диелә хәбәрдә.