Азнакайның Мәндәй авылында яшәүче аш-су блогеры Мәрьям Миңнегуловадан балан бәлеше рецептын тәкъдим итәбез.
Камыр өчен: 250 гр кибет каймагы (нинди майлылыкта да ярый), 1 йомырка, 4 аш калагы көнбагыш мае, тоз, әз генә шикәр комы, он, 1 чәй калагы көпшәкләндергеч.
Эш тәртибе: камырны бик йомшак итеп басмыйбыз, ким дигәндә ярты сәгатькә суыткычка куеп торырга.
Эчлек өчен баланны кайнаган суда пешереп алырга, сөзәргә, суытырга, песок, крахмал (яки манный ярмасы, он) салып болгатырга, 1 генә алма булса да турап салырга.
Табага камырны җәйгәч, камыр өстенә әз генә крахмал сибәргә.
Пешкән бәлешне фольгага төреп куярга, шулай суына, йомшак, кетердәп тора, дип яза хуҗабикә.