«Балаларны арбага утырткан». Авыл янында авариядә 6 яшьлек малай үлгән, ике бала имгәнгән
Хакасиянең Аскиз районы Бирикчуль авылы янында «ГАЗ-63» йөк машинасы юл читенә төшеп киткән. Аның кузовында 3 бала булган. Бу хакта Хакасиянең Дәүләт автомобиль инспекциясенә сылтама белән РЕН ТВ сайты яза.
Фаҗига 25 август кичендә булган.
«37 яшьлек йөртүче идарәне югалта, һәм машина юл читенә төшеп ауган. Авариядә 6 яшьлек малай урында ук үлгән», – диелә Телеграм-канал хәбәрендә.
Шулай ук 10 яшьлек малайның корсагы яраланган, ә 12 яшьлек пассажирның баш мие селкенгән, баш сөяге һәм күкрәк читлеге имгәнгән.
Хәзер тикшерү бара.
