Балаларда сезонлы аллергия буламы?
Сорауга ДРКБның аллергология бүлеге җитәкчесе Гөлнара Зәйнетдинова җавап бирә:
- Берничә ел элек балаларда аллергиянең классик формалашуы турында сөйли идек. Бу ни дигән сүз? Ике яшькә кадәр азык-төлек аллергиясе, мәктәп яшенә җиткәндә өй-тирәлек аллергиясе (йорт хайваннары, бөҗәкләр), яшүсмер чорга җиткәндә генә сезонлы аллергия диагнозы куела иде. Соңгы елларда исә сезонлы аллергия – серкәгә сизгерлек белән очрашкан балаларны дәваларга туры килә.
Биш яшьтән башлап, балаларга аллергия сәббен ачыклый торган терапия ясала.
Биш яшькәгә кадәр исә база терапиясе ягъни, аллерген ризыкларны рационнан алуга юнәлтелгән диета билгеләнә. Серкә аллергиясе молекуласы азык-төлек аллергиясенә охшаган. Шуңа күрә кайбер балаларга үсемлекләр чәчәк атканда гына түгел, ел әйләнәсе индивидуаль диета билгеләнә. Биш яшькәчә балаларга, профилактика максатыннан, аллергия симптомнарын булдырмауга препаратлар билгелибез.
Биш яшьтән соң махсус дәвалаулар бирелә. Бу – аллергенны тире һәм тел астына кертеп тикшеренү-дәвалаулар.