Балалар COVID-19 белән ничек авырый?
Россиядәге балаларның күбесендә коронавируска иммунитет бар, дип фаразлыйлар.
Хәзерге вакытта COVID-19 белән авырып хастаханәдә ятучы балалар күп, катлаулы форма белән авыручы балалар аз. Бу турыда табиб-инфекционист, педиатр Евгений Тимаков РИА Новости агентлыгына сөйләгән.
«Хәзерге вакытта вирус эволюциясе бара, без „дельта»ның балаларга ничек тәэсир итәсен белмибез. Шунысы тәгаен — балалар ешрак авырый. Катлаулырак дип әйтә алмыйм. Хастаханәдә балалар күп, алар коронавирус белән авырый. Аллаһка шөкер, катлаулы, җитди формалар балаларда бик сирәк очрый, бәхеткә», — ди Тимаков.
Табиб сүзләренчә, Россиядәге балаларның күбесендә коронавируска иммунитет бар инде.
