Балалар бакчасындагы чыршы бәйрәменә Кыш бабай булып килгән ир үлгән
Фаҗига Мурманск өлкәсендә була.
Мурманск өлкәсендәге Североморск шәһәрендә балалар бакчасындагы чыршы бәйрәмендә Кыш бабай булып килгән 51 яшьлек ир үлгән.
Тикшерү комитеты белдерүенчә, ир кешенең йөрәге тоткан.
Былтыр шундый ук хәл Кемерово өлкәсендә булган иде. Өлкәдә танылган шәхес, 67 яшьлек артист балалар бакчасындагы «утренник» вакытында егылып җан биргән.
Табиблар моның сәбәбен болай аңлата — балалар бакчасында «утренник» узганда гадәттә күп кеше җыела, һәм бинада һава бетә. Ә Кыш бабай өстәвенә әле авыз-борынын каплаган, эссе киемнән.
Кыш бабай ролен башкарган кешеләр бу эшнең бик авыр булуын яза. «Миңа 35 кенә булса да, бик авыр булуын әйтә алам. Пешкән кукуруз кебек хис итәсең үзеңне. Сакал арасыннан сулап булмый, әле биисе дә була. Киемнәрне алыштырганда оекбашларга кадәр юеш була».
«Балаларның йөрәгенә нинди күңел ярасы! Менә шулай әкиятләрдән чын тормышка күчәләр».
«Кырык белән илле арасы — ирләр өчен катлаулы чор».
«Бигрәк куркыныч! Әле яшисе дә яшисе бит әле! Балаларны куандырмакчы булган — ә нинди аяныч үлем!»
Былтыр Кемерово өлкәсендә булган фаҗига видеокамерага яздырып алынган иде.