«Балада мистика күргән» — Әни кеше нәни улын чәнчеп үтергән
26 яшьлек хатынны сак астына алганнар.
Мәскәүдә 26 яшьлек хатын 2 яшьлек улын чәнчеп үтергән. Суд бу хатынны 13 майга кадәр сак астына алу турында карар чыгарган. Бу турыда РЕН ТВ каналы башкала прокуратурасына сылтама белән хәбәр итте.
«Көнчыгыш административ округ прокуратурасы позициясен исәпкә алып, суд 26 яшьлек хатынны 2022 елның 13 маена кадәр сак астына алу турында карар чыгарды», — диелә хәбәрдә.
Фаҗига 13 мартта була. Әни кеше фатирда баласын пычак кадап үтерә. Хатын сабыйга берничә тапкыр пычак белән кадый, аннары үзенә кул салу белән куркыта.
Бу хатын баласында «ниндидер мистика күргән» дигән белешмә бар, диелә хәбәрдә.