Һиндстанда табиблар бала таптырганда нарасыйның кулын өзеп чыгарган. Бу хакта The Times of India басмасына сылтама белән «Аргументы и факты» сайты яза.
Фаҗига Харьяна штатының Мандикхер шәһәрендәге хастаханәдә булган.
Бала таптырган вакытта, сабыйның кулы тәненнән тулысынча аерылып чыккан. Бала исән калган, аны күрше шәһәрдәге башка медицина оешмасына күчергәннәр.
Бу хәлне тикшерү өчен махсус комиссия төзелгән, ул хастаханәдә расланган медицина протоколлары үтәлмәгәнен ачыклаган.
