Бала тапканнан соң нинди контрацепция ысуллары кулланырга ярый?
Бөтендөнья сәламәтлек саклау оешмасы белгечләре бала тудыргач, кимендә ике ел кабат балага узмый торырга киңәш итә.
Бала табудан соңгы контрацепция турында Түбән Кама хатын-кызлар консультациясенең табиб-акушер-гинекологы Ирина Сушилова сөйләгән. Бу турыда Татарстан Сәламәтлек саклау министрлыгының матбугат хезмәте хәбәр итте.
«Сабый туу белән хатын-кыз тормышы тамырдан үзгәрә — барлык вакыт һәм көч баланы кайгыртуга бирелә. Үзеңә вакыт калмый. Ә бу вакытта иң мөһим проблемаларның берсе - планлаштырылмаган йөклелектән саклану. Бала тапканнан соң киләсе йөклелек арасындагы интервал кимендә 2 ел тәшкил итәргә тиеш, дип киңәш итә Бөтендөнья сәламәтлек саклау оешмасы белгечләре.
Контрацепция өчен сайланган ысул лактациягә һәм сабыйның сәламәтлегенә тискәре йогынты ясамаска тиеш.
Лактацион аненорея ысул (имезү фонында менструацияләрнең булмавы) – бөтенләй бушлай һәм һәркемгә дә мөмкин. Лактацион аненорея методы йөклелектән ышанычлы саклауны түбәндәге шартларны катгый үтәгәндә генә тәэмин итә:
- төнлә һәм көндез имезү;
- бала тапканнан соң менструация килмәү;
- бала тапканнан соң 6 айдан да артмау.
Прогестаген рәтләрендәге контрацептивлар. Имезүче хатын-кызларга бары тик прогестаген гына булган дару кулланырга киңәш ителә, ул лактациягә, бала сәламәтлегенә тискәре йогынты ясамый. Тик шуны истә тотарга кирәк, мондый контрацептивларны бала табудан соң беренче 6 атнаны кабул итәргә ярамый! Хәтта имезүче хатын-кызларга да ярамый.
Аналыкка куела торган чаралар (ВМС - внутриматочные средства) - спиральләр, эчке контрацептив. Бу ысулны бала табу җиңел узган очракта һәм спираль кертүгә килешмәү билгеләре булмаса кулланырга мөмкин.
Баланы кесарев кисеме белән тудырган очракта, спираль кертү килешмәү билгеләре булмаса, 6 айдан соң кертелергә мөмкин. Бу алым лактациягә йогынты ясамый. Эчке контрацептивны 5 елдан артык тотарга ярамый.
Барьерлы ысуллар - презервативлар һәм күбек, шәм, крем, сәдәф, элпә рәвешендә спермицидлар бала табудан соң теләсә кайсы вакытта чикләүләрсез кулланылырга мөмкин. Нәтиҗәлелеге, беренче чиратта, куллануның дөреслегенә бәйле.
Стерилизация. Хатын-кызлар һәм ир-атлар стерилизациясе - кире кайтарылмый торган контрацепция ысулы. Бала табарга башка теләк булмаганда кулланыла. Нәтиҗәлелеге 100 процент, диелә бу хәбәрдә.