Бала психотроп матдәләр куллана башламасын өчен нишләргә?
Сорауга Татарстанның атказанган табибы, психотерапевт Гомәр Зыятдинов җавап бирә.
– Үсмер балаларга наркотикларның зыяны турында ничек аңлатырга? Хәзер таралган синтетик наркотиклардан балаларны ничек сакларга?
Психотерапевт Гомәр Зыятдинов:
- Бу – зур проблема. Иң беренче, баланы күпвакыт үзен генә калдырмагыз. Гаиләдә татулык, аңлашу булса, бер-берсе белән ачыктан-ачык сөйләшә алсалар, бала әти-әнисенә ышанса, ул кирәкмәгән компанияләргә иярми, кирәкмәгән җиргә бармый, тәртипле кешеләр белән генә дуслаша. Баланың эчке уйлары белән яшәргә кирәк. Шул чакта ул ярдәм итүче кеше барын белә, максатлар куя һәм шуларга ирешә башлый. Наркотик матдәләр түбәнлеккә китерүен аңлый. Наркотик куллана башлган баланы дәвалавы бик авыр. Синтетик наркотиклар - бик усал һәм мәкерле.
***
Хөрмәтле укучыларыбыз! Әгәр сезнең белгечләргә, артистларга, журналистларга сорауларыгыз булса, безнең Ватсапка языгыз: +79270379110 Без тиз арада сезнең сорауга җавап табарга тырышырбыз. Теләсә кайсы темага сораулар кабул итәбез.