Россиядә бала карау өчен түләнә торган больничный чорын 30 көнгә кадәр арттырырга планлаштыралар. Бу хакта Россия Хөкүмәте Рәисе Михаил Мишустин Хөкүмәт утырышында белдергән, дип хәбәр итә ТАСС.
«Баланың авыруына һәм яшенә карап, ел дәвамында 45 көннән алып 120 көнгә кадәр түләнә торган больничный бирелә. Кайбер очракларда баланың тулысынча савыгуы өчен күбрәк вакыт кирәк була, хәтта каралган иң озын вакыт та җитмәскә мөмкин. Ата-аналарга эшкә чыгарга туры килә, чөнки вакытлыча хезмәткә яраксызлык буенча түләүләр инде бирелми», — дип билгеләп үтте Хөкүмәт башлыгы.
«Ата-аналарга ярдәм итү өчен, һәр чорны елга 30 көнгә арттырачакбыз һәм финанс ярдәмен дә шул ук вакытка озайтачакбыз. Бу, әлбәттә, гаиләләр өчен өстәмә ярдәм булачак», — дип ассызыклады Михаил Мишустин.