Бала көтүче Ксения Собчак ире белән сәхнәгә чыккан
Ксения Собчак һәм Максим Виторган хәйрия концертында катнашканнар.
“Эрмитаж” бакчасында “Игелекле эшләр бюросы” фонды әзерләгән хәйрия чарасы узды. Оешма ата-аналары тәрбиясеннән мәхрүм булган балаларны кайгырта.
Алар Россиянең өч төбәгендәге биш балалар йортына ярдәм итә. Игелекле эшләр бюросының төп юнәлеше – яшүсмерләрне (гаиләләргә сирәк алына торган балалар) бар яклап та олы тормышка – һөнәри һәм гаилә тормышына әзерләү.
Концертта күп кенә танылган шәхесләр катнашкан. Ләкин тамашачыларның игътибарын президентлыкка кандидат булган һәм танылган алып баручы Ксения Собчак җәлеп иткән. Ксения халык алдына вак чәчәкләр төшерелгән яшел күлмәк киеп, үзенең ире, популяр актер Максим Виторган белән сәхнәгә чыккан. Концерт фотографияләре белән Ксения үзенең Instagram аккаунтында уртаклашты.