Аш өчен: 1 уртача чөгендер, 1-2 бәрәңге, 1 кишер, 1 баш суган, ташкабак, тәмләткечләр, укроп, яшел суган. Пешерү тәртибе: Иң элек казанга яисә мультиваркага бераз сыек май салып, угычтан чыгарган кишер белән вак итеп туралган суганны кыздырып алабыз. Шулай ук угычтан чыгарган чөгендерне дә яшелчәләр янына кушабыз һәм бераз пешереп алабыз. Тоз, борыч, тәмләткечләр кушып болгатабыз. Бәрәңге белән ташкабакны шакмаклап турап, яшелчәләр өстенә салабыз. Кайнаган су салып, пешәргә калдырабыз. Ашны кайнар килеш, өстенә яшел суган белән укроп сибеп табынга бирәләр.
