Бакча сукалаганда мотоблок бер ир-атның ике аягын да кискән
Пенсионер бакча йорты тирәсендәге җирне йомшартмакчы булган.
Башкортстанның Октябрь районындагы Жилино бистәсендә пенсионер ир-ат чак кына исән калган. Бу турыда Уфа шәһәре халкын яклау идарәсе матбугат хезмәте хәбәр итте.
Вакыйга 6 майда кичке сигез тирәсендә була. Өлкән яшьтәге ир-ат бакча йорты янында җир эшкәртә. Ул мотоблок ярдәмендә туфракны йомшартып йөри.
Бер мизгелдә ир-ат абынып егыла һәм ялгышлык белән агрегатның газына баса. Җайланма артка таба бара башлый һәм пенсионерның ике аягын да яралый.
Урынга коткаручылар чакыралар. Алар пенсионерны ашыгыч ярдәм машинасы янына кадәр алып киләләр һәм табибларга тапшыралар. Имгәнгән ир-ат хәзер хастаханәдә дәвалана.