Тәҗрибәле бакчачылар кырмыскаларга каршы көрәш ысуллары белән уртаклаша. Бу турыда киңәшләр сайтында язылган.
Үсемлек май ярдәмендә бакчадагы кырмыскалардан 1-2 көндә котылып була. Кырмыска оясы тирәсенә май сибегез, бөҗәкләрнең юллары бик яхшылап май белән чылансын.
Нашатырь спирты – аммиак бик көчле исле. Ул аңын югалткан кешене дә аңга китерә. Кырмыскалар нашатырь исен сизеп, бакчаны бер тәүлек эчендә ташлап кача. Нашатырь спиртын кырмыска оясына салырга, һәр юлны чылатырга тырышырга кирәк. Аннары өстенә полиэтилен ябып, авыр әйбер белән бастырып куегыз.
Аш содасының бер кабы бер кырмыска оясына җитә. Шуны кырмыскалыкка сибегез, берничә көндә бөҗәкләр бакчадан качып китәр, диелә хәбәрдә.
