Бу күренеш матур булып күренсә дә, бакча өчен зыянлы. Әгәр инде яңгыр явып узган икән, агач ботакларына терәү куегыз яки иң озын ботакларын кисегез. Бу хакта «Аргументы и факты» сайты яза.
Мондый яңгыр еш булмый. Ул җир өслеге температурасы нольдән түбән, ә атмосфераның өске катламнарында – болытлар ясала торган катламда – плюс булганда килеп чыга. Нәтиҗәдә су тамчылары берәр өслеккә эләккәч, шундук катып кала, һәм шуңа күрә боз катламы барлыкка килә. Бозның калынлыгы 10-15 мм га кадәр җитә ала.
Бу исә бакчадагы үсемлекләрнең ботакларын авырайта. Нәтиҗәдә алар, өстәмә авырлыкны күтәреп тора алмыйча, сынарга мөмкин. Мондый куркыныч агачларга гына түгел, ә электр чыбыкларына да яный.
Бакчачылар, еш кына, җиргә кадәр сыгылып төшкән ботакларны күреп, алардагы бозны төшерергә тырыша. Чыбыклар һәм кабельләргә бозга каткач та шулай эшләргә тырышалар. Әмма болай эшләргә ярамый. Болай эшләгәндә, агач кәүсәсенә зыян килә. Әмма үсемлекләрне ярдәмсез дә калдырырга киңәш ителми.
Бу очракта иң гади ысул – агач ботакларына терәү кую.
Ә менә озын ботакларның очларын кисәргә була. Әлбәттә, кыш көне агач ботакларын кисү хупланмый, әмма бозлы яңгырдан соң бөтенләй бакчасыз калмас өчен, аз гына ботакларны корбан итәргә ярый.
Өслекләрнең бозга катуы бакча тирәсендә яшәүче кошлар өчен дә мәшәкать тудыра. Шуңа күрә кошларны кайгыртып, аларга җимлекләр дә ясап куярга була.