Югары икътисад мәктәбенең хокук факультеты доценты Лариса Солдатова бакчачыларга киңәшләр бирде. Бу турыда ул «Прайм» агентлыгына сөйләгән.
Эксперт сүзләренчә, бакчачылык ширкәтенә (СНТ) әгъзалык һәм максатчан кертемнәр «Шәхси ихтыяҗлар өчен бакчачылык һәм яшелчәчелек белән шөгыльләнү» турында законда теркәлгән.
Ширкәт әгъзасы булмаган кешеләр гомуми кулланылыштагы милекне сатып алу һәм карап тоту өчен түләргә тиеш. Әлеге кертемне түләмәү нигезсез баю булып санала, ди Солдатова.
Шул ук вакытта, 2019 елдан башлап бөтен бакчачылар ширкәттән чүп-чар чыгару өчен түләргә тиеш. Бу нигезләмә федераль дәрәҗәдә теркәлгән.
Юридик көчкә «Гражданнарның бакчачылык белән шөгыльләнүе турында» законда теркәлгән барлык түләүләр дә ия, тик чабылмаган үләннәр өчен ширкәт кисәтүләре түгел, ди белгеч. Бу турыда РИА Новости язды.
