Тирес бик яхшы булса да, бакча туфрагына башка төрле ашламалар да кертеп була. Бу турыда «Мир» каналы хәбәр итте.
Тиресне алмаштырырдай әйберне тәҗрибәле бакчачылар киңәш иткән. 10 литрлы чиләккә су салып, 1 аш кашыгы крахмал һәм 3 аш кашыгы шикәр комы эретегез. Берничә сәгатькә калдырып торыгыз.
Аннары шушы ашламаны туфракка кертегез – әзер эремәне түтәлләргә сибеп чыгыгыз.
Бәрәңге крахмалында үсемлекләрнең үсешен активлаштыра торган микроэлементлар – фосфор, калий һәм глюкоза күп була. Моннан тыш, крахмал туфрак микроорганизмнарына туклануны да тәэмин итә.
Тирес алган очракта, «җылы түтәлләр» өчен ат тиресе алырга кирәк. Сыер тиресе универсаль органик ашлама булып тора. Кош тизәге кертү дә яхшы нәтиҗә бирә. Ә менә дуңгыз тиресе ашлама буларак яхшы түгел – анда аммиак күп була, яңа килеш ул бик агрессив, өстәвенә, дуңгыз тиресе бик озак таркала, аны куллану уңайсыз, диелә хәбәрдә.