Бакалы районындагы урманда ир белән хатын мәете табылган
21 яшьлек хатын-кыз һәм 32 яшьлек ир-ат әле күптән түгел генә гаилә корган булган, аларның нәни баласы ятим калган.
30 мартта Башкортстанның Бакалы районындагы Нугайбәк авылы янындагы урманда ир белән хатын мәете табылган. Бу турыда «Башинформ» хәбәр итте.
Урынга тикшерүчеләр барган. Алар 21 яшьлек хатын-кыз һәм 32 яшьлек ир-ат мәете булуы ачыкланган. Бу әле яшь гаилә булган.
«Тикшерү версиясе буенча, ир белән хатын талаша. Шуннан соң ир хатынын мылтыктан атып үтерә, аннары үз-үзенә кул сала. Хәзерге вакытта тикшерү эшләре бара, шаһитларны сораштыралар», — дип аңлатканнар Россия Тикшерү комитетының Башкортстан буенча Тикшерү идарәсендә.
Җинаять эше ачылган.
«Комсомольская правда» хәбәр иткәнчә, фаҗига булган көнне ир белән хатын бергәләп ауга бара. Тик саф һавада йөрү талаш белән тәмамлана. Шуннан соң ир хатынын үтерә, аннары үзе дә үлә. Аларның нәни балалары ятим калган. Сабый хәзер әбисе һәм бабасы белән яши. Туганнары һәм якыннары сүзләренчә, мондый хәлне беркем көтмәгән. Алар сирәк кенә сүзгә килсәләр дә, гомумән алганда тату яшәгәннәр.