Казан халкы һәм Татарстан башкаласы кунаклары муниципаль машина кую урыннарыннан 4 һәм 6 ноябрьдә бушлай файдалана ала. Әлеге чара Халыклар бердәмлеге көнен һәм Татарстан Республикасы Конституциясе көнен бәйрәм итү уңаеннан гамәлгә керә. Бу турыда Казан мэриясе хәбәр итте.
Исегезгә төшерәбез, муниципаль парковкалар ял һәм бәйрәм көннәрендә түләүсез нигездә эшли. Эш көннәрендә түләү 8:00-19:00 сәгатьләр аралыгында алына.