Байкалда аюлар гаиләсе кешеләр белән бергәләп су коенган. Бу күренешне Горячинск пляжында ял итүчеләр видеога төшереп алган. Ролик социаль челтәрләрдә таралды.
«Бу могҗизаны күрегез әле. Бүген безнең пляжда. Кешеләр, аюлар», – дип сөйли кадр артындагы хатын-кыз.
Шунысы кызык - балалары белән су коенып рәхәтләнгән аюның кешеләргә, ә кызынып ятучы кешеләрнең янәшәләрендә генә йөзеп йөргән кыргый җанварларга исләре китми.
«Америкалыларга күрсәтә күрмәгез», – дип комментарий калдырган бер социаль челтәрдә утыручы әлеге видеоны карагач. «Американың кайбер штатларында да шулай ук. Ашыйсылары килгән вакытта алар кешеләргә якынаерга мәҗбүр. Кешеләр аларны этләрне ашаткан кебек ашата. Кешеләргә тимиләр, тисәләр, башка якын китермәячәкләрен аңлыйлар. Акыллы җан ияләре»,- дигән икенчесе.
«Ана аю бит бу. Кешеләргә ташланырга да мөмкин иде. Кешеләр һич тә курку белми икән», – дип тә язганнар.