«Бәгърем зарларын берсүзсез аңлыйсың»: Блогер Равил Закиров әнисенә җыр багышлаган

Чирмешән районы Иске Кади авылында яшәүче блогер Равил Закировның чираттагы яңа җыры чыкты. Бу җыр аның өчен генә түгел, ә һәркем өчен кадерле кеше – әнигә багышланган.

Блогерны күзәтеп баручылар әниләре катнашында төшергән видеоларын Равилнең яңа җырына «салган».

«Йөрәгең түреннән

Өзелгән кылың мин.

Мең өмет баглаган

Газиз бер улың мин.

Еракта булсам да, янәшә күңелем,

Җанымның үзеннән минем көй өзелде.

Бәгърем зарларын берсүзсез аңлыйсың,

Мин көлсәм көләсең, еласам – елыйсың...»