Бабай исән-сау! - Ирек Миңнәхмәтов
“Татспиртпром” акционерлык җәмгыяте генераль директоры Ирек Миңнәхмәтов бүген инстаграмда Татарстан Президенты киңәшчесе Минтимер Шәймиев белән төшкән фото урнаштырды.
Фото янына “нашбабайвдобромздравии” дип язылган.
Исегезгә төшерәбез, 25 гыйнварда Россия Президенты Владимир Путин Казанга килде. Казанда дин әһелләре белән очрашуда Татарстанның элеккеге Президенты Минтимер Шәймиев тә катнашырга тиеш иде, әмма ул авыруы аркасында очрашуга килә алмады.
Шулай да Владимир Путин һәм Рөстәм Миңнеханов, Казан авиация заводы белән танышканчы, хастаханәгә кереп, Шәймиевның хәлен белгән иде.
