«Бөтенләй җырламасагыз да исебез китми» - Инстачылар Ландышка дәгъва белдерә
Инстачылар Ландышны эштәге борчуларын интернет киңлекләренә чыгаруда гаеплиләр.
Җырчы Ландыш Нигъмәтҗанова инстаграм сәхифәсендә Марат Гәрәевның Иркәнең Динәгә булган көчле тәэсире, «Барс-Медиа» ширкәтендә иҗади процесс белән дә нәкъ менә Иркәнең идарә итүе хакында сөйләгән видео урнаштырган.
«Тормышта төрле хәлләр була, менә бу ситуация дә барыбызга да гыйбрәт булсын иде! Аңлыйм, кайберләрегез артистларга ышанып та бетми! Бәлки менә әтисенең чын йөрәктән чыккан сүзләре, җан тавышы сезне уйланырга мәҗбүр итәр», — дип язган Ландыш.
Шоу-бизнестагы соңгы яңалыклардан халык инде туйган булса кирәк, комментарийлары шул рухта язылган:
«Ә безгә барыбер, без эштәге борчуларны инстаграмга чыгармыйбыз бит, бөтенләй җырламасагыз да исебез китми»:
«Намаз укысалар, болай тавышланып йөрмәсләр иде, әнә җырчы Гүзәлемнән үрнәк алыгыз»;
«Сез бу пычраклыкны кемгә җиткерергә телисез соң? Татар эстрадасына килешми. Акыллырак булып, үзегезнең мәшәкатьләрегезне үзегез хәл итсәгез иде. Халык сездән яхшы яңалыклар гына көтә, матур җырлар, матур фотолар»
«Иркә, афәрин! Акыллы, көчле, булдыклы кеше, талантлы җырчы. Гайбәтчеләр дәрәҗәсенә төшмәде, өстен булып калды. Римма апа Ибраһимова бик гарьләнәдер бу хәлгә. Кызганыч…»;
«Бу сценарий буенча сериал төшерсәң була, төрек сериаллары читтә торсын»;
«Ландыш, артыкка китте бугай, бәлки бу ситуацияне онытып җибәрергәдер».