«Бөтен күңелеңне биреп, яратып пешерәсең» - Ландыш Нигъмәтҗанова учакта коймак пешерә
Җырчы яңа видео куйган.
Җырчы Ландыш Нигъмәтҗанова учак ягу сезонын ачкан. Видеода ул махсус учак яга торган мич өстенә таба куеп, коймак пешерә.
«Тиз пешерә бу, өлгерергә кирәк. Яндырмый, күп утын кирәкми», — ди Ландыш, пешеп өлгергән коймакларын алып.
Җырчы беренче табаны майлый, аннары коймак камырын сала. Ә икенче юлы коймакны майсыз табада пешерә, пешкәч кенә майлый.
Ләйлә белән Гомәр коймакны тәмләп карарга чыккан.
Инстачылар Ландышның уңган булуына шакката: «Балаларны карыйсың, тәмле пешерәсең, ничек өлгерәсең?».
«Коймак пешергәндә дә нинди зәвыклы, үзе чибәр бит ул Ландышыбыз. Безнең халкыбызның — энҗе бөртеге! Ә коймаклары да искитмәле тәмледер дип уйлыйм. Аның рецепты белән үзем дә пешерәм, бик тәмле була! Ландыш, безгә балакайларыңны күбрәк куй. Гомәрне күптән күргән юк»;
«Ландыш молодец. Бер дә иренмисең инде. Бөтен күңелеңне биреп, яратып пешерәсең», — дип сокланган җырчының виртуаль дуслары.