Бөтен дөнья татарлары «Мин яратам сине, Татарстан» җырын җырлый
Яңа видео Сахалин татарларының инстаграмдагы төркеменә куелган.
«Мин яратам сине, Татарстан» җырын җырлаучы бөтен дөнья татарларын «ТикТок»ка төшергәннәр.
Видеода беренче булып Татарстанның халык артисты Салават Фәтхетдинов җырлый башлый. Аңа Төркия, Вьетнам, Франция, АКШ, Азәрбайҗан, Канада һәм Кытайдан кушылалар.
Җырны башкаручылар арасында Салаваттан тыш, Нурзадә, Илшат Вәлиев, Айгөл Бариева, Марат Галимов, Сәидә Мөхәммәтҗанова бар.