Бәрәңгеле минтай
Минтай кебек гади балыктан да тәмле кичке аш әзерләргә була.
Ингредиентлар: 1 кг минтай, 5-7 бәрәңге, 2 суган, 200 грамм сыр, 5-7 аш кашыгы сыек май, тоз, борыч, лимон.
Бу рецепт буенча минтайны әзерләү берничә этаптан торса да, эш процессы тиз үтә.
- Минтайны юып киптерергә, кисәкләргә бүлергә һәм тозларга. Лимонның согын чыгарырга. Минтайны бер сәгать чамасы лимон согында тотарга.
- Бәрәңгене 0,5 см түгәрәкләр формасында кисәбез. Аны аерым табада сыек майда кыздырып алабыз.
- Суганны түгәрәкләп кисәргә. Бәрәңгедән калган майда кыздырып алырга. Бәрәңге белән суганны кушарга.
- Минтайны да ике яктан табада кыздырып алырга. Балыкны әзер булганчы кыздырмагыз. Аны мичтә пешереп бетерәбез.
- Сырны угычтан чыгарырга.
- Аерым табага бәрәңге белән суганның яртысын салабыз, аның өстенә минтай балыгын, аннан тагын калган бәрәңге белән суганны, өстенә угычтан чыгарылган сыр салабыз һәм 180 градуска кадәр җылытылган мичтә алтынсу төскә кергәнче тотабыз (якынча ярты сәгать).
