Бәрәңгедә нематода авыруын дәвалап буламы?
Сорауга ТР Россельхознадзор идарәсе җитәкчесе урынбасары Ленар Фаттерахманов җавап бирә:
- Утырткан авыру бәрәңгене дәвалап булмый. Әмма агротехник һәм агрохимик чаралар белән туфракны зарарсызландырырга мөмкин. Авыру бәрәңгене, әйткәнемчә, дәвалап булмый һәм бу - файдасыз эш. Нематода башлангычлары бәрәңгедә түгел, туфракта кала. Бакчага күпьеллык үләннәр, нематодага бирешми торган сортлар чәчәргә мөмкин.
Ленар Фаттерахманов орлык бәрәңгесе сатып алгаенда аеруча игътибарлы булырга чакыра.
- Тикшерелмәгән, документсыз бәрәңге алу – авыру сатып алу ихтималын арттыра. Чөнки авыру бәрәңгегә ябышып калган туфрак аша тарала, - ди ул.
