Бүлмә гөлләренә көзен һәм кышын ни өчен баллы су сибәләр?
Шикәр — үсемлекләр өчен энергия чыганагы.
Өйдәге гөлләргә көзен һәм кышын баллы су сибәләр. Мондый су үсемлекләрне микроэлементларга баета. Бу турыда киңәшләр сайтында язылган.
Шикәр — үсемлекләр өчен энергия чыганагы, ул иммунитетны арттыра, туфрак составын яхшырта.
Глюкоза үсемлек тукымаларында крахмал, липидлар, аксымнар, нуклеин кислотасы һәм целлюлоза барлыкка китерә.
Глюкоза булмаса, үсемлекләр туфрактагы микроэлементларны үзләштерә алмый.
Гөлләр көзен чәчәк атмаса, корый башласа, яфраклар саргайса, аларга баллы су сибәргә кирәк.
Ярты литр суга бер чәй кашыгы шикәр салып болгатырга. Икенче савытта бер чәй кашыгы шикәр белән 1 грамм чүпрә кушып, эремә ясарга.
Гөлләргә башта баллы суны сиптерергә яки төбенә сибәргә, аннары чүпрәле эремә сибәргә кирәк.
1 кило туфракка 100 миллилитр ашлама кулланыла.
Мондый ашламаны бер тапкыр гына сибәләр.