Әбҗәлил районында яшь егет йөртә торган машина әйләнеп капланган, өч ир-ат үлгән
21 яшьлек егет машина белән идарәне югалткан.
1 майда иртәнге алтылар тирәсендә Башкортстанның Әбҗәлил районында юл һәлакәте була. Биредә өч ир-ат үлә. Бу турыда Башкортстан буенча ЮХИДИ белешмәсенә сылтама белән «Башинформ» хәбәр итте.
Әскәр-Хәлил юлында Daewoo Nexia машинасы юл кырыена төшеп каплана.
ЮХИДИ белешмәсе буенча, 21 яшьлек егет машина белән идарәне югалта һәм автомобиль юл кырыена төшеп китә. Аннар ул әйләнеп каплана.
Машина йөртүчесе һәм аның пассажирлары — 40 һәм 24 яшьлек ир-атлар урында ук һәлак була.
Тикшерү эшләре бара, диелә бу хәбәрдә.