Бәхетле очрак: яшь ярымлык бала 13 каттан егылып төшеп исән калган

Мәскәү янындагы Одинцово шәһәрендә яшьярымлык бала 13 каттан егылып төшеп исән калган. Бу турыда МК хәбәр итте.

Бала караучы хатын башка эш белән шөгыльләнгән арада, сабый тәрәзә төбенә менгән һәм егылып төшкән. Баланы агачлар коткарып калган.

Аны тиз генә хастаханәгә озатканнар. Сабыйның баш мие селкенгән һәм эче имгәнгән, диелгән әлеге хәбәрдә.