Бәхетле очрак: 23 каттан җилләтү шахтасына егылып төшкән сабый исән калган

Кытайның Ханчжоу шәһәрендә алты яшьлек малай 23 каттан вентиляция шахтасына егылып төшкән. Бәхеткә, бу бала исән калган. Бу турыда Daily Mail басмасына сылтама белән РЕН ТВ каналы хәбәр итте.

Алты яшьлек малай күршеләрнең фатирында уйнап йөри. Йортта ремонт барганга, этажда балконнар арасында койма итеп агач такта гына куеп торалар. Малай шул тактага баса һәм аска вентиляция шахтасына егылып төшеп китә.

Бала исән кала. Коткаручыларга баланы шахтадан чыгару өчен алты минут вакыт кирәк була.

Хәбәрдә әйтелгәнчә, малай кондиционерга бәрелеп, бераз имгәнгән генә.