Бәхетле булу өчен аена ничә сум акча кирәк?
SuperJob агентлыгы, ничә сум акчасы булганда кеше үзен бәхетле хис итә дигән тикшеренү уздырган. Шушы тикшеренү нәтиҗәләре хакында РИА НОВОСТИ яза.
Владивостокта яшәүчеләр бәхет бәясен иң югары куючылар булган. Бәхетле хис итәр өчен аларга аена 208 мең сум акча кирәк.
Мәскәүдә бу күрсәткеч 207 мең сум. Ростовта чак кына азрак - 203 мең. Аздан да канәгать булып яшәүчеләр Чаллы һәм Оренбург кешеләре. Алар ай саен 116 мең сум алып барса, үзләрен бәхетле хис итәчәк.
Петербургта яшәүчеләрнең таләпләре түбән булып чыккан - алар бәхет хакын 160 мең сум дип бәяли.
Сораштыру 18 яшьтән өлкәнрәк кешеләргә: "Бәхетле булып хис итү өчен сезгә аена ничә сум акча кирәк?" дигән сорау бирү юлы белән үткәрелгән. Сораштыруда 500 меңнән күбрәк кеше яшәгән 37 шәһәрдә үткәрелгән. Мәскәү һәм Петербургта 1 меңешәр кеше, башка шәһәрләрдә 500әр кеше сораштырылган.
ВЦИОМ сораштырулары нәтиҗәләре буенча, 84 процент Россия кешесе үзен бәхетле хис итә.
Ә сез аена ничә сум акчагыз булганда үзегезне бәхетле хис итәр идегез?