Бөгелмәдәге бер фатирда өч яшьлек бала белән ата мәетләрен тапканнар

Бөгелмә шәһәренең Гафиятуллин урамындагы биш катлы йортта өч яшьлек кыз һәм аның әтисенең мәетләрен тапканнар. Бу турыда «Татар-информ» агентлыгына Татарстан буенча Гадәттән тыш хәлләр министрлыгында хәбәр иттеләр.

Фаҗига турында хәбәр 18 ноябрьдә 13.30 сәгатьтә килгән.

«Бөгелмә газ» оешмасы хезмәткәрләре газ чыкмавын һәм җиһазларның ватык булмавын ачыклаган. Фатирда вентиляция системасы да төзек булган.

Урында хокук саклау органы хезмәткәрләре һәм авария хезмәтләре эшли, диелгән әлеге хәбәрдә.

28 яшьлек ир-ат һәм 3 яшьлек кызы үлеме сәбәпләрен белгечләр билгеләячәк.