Кирәкле ингредиентлар: ит – 120 г, башлы суган – 240 г, бәрәңге – 150 г, маринадланган кыяр – 50 г, томат пастасы – 10 г, сарымсак – 2 г, үсемлек мае – 2 г, тоз, аш тәмләткечләр – 2 шәр г, яшел тәмләткечләр.
Эш барышы: Итнең сөяксез җирен, 2х4 см зурлыктагы кисәкләргә турап, майлы табада кыздырабыз. Кыздырылган итне кәстрүлгә салып, тоз, борыч сибәбез, турап кыздырылган суган, токмачлап киселгән, кайнар су белән пешекләнгән, маринадланган кыяр, сарымсак, томат пастасы яки туралган кызыл помидор салып, 30–40 минут томалап пешерәбез.
Токмачлап яисә шакмаклап турап, пешәр-пешмәс кыздырылган бәрәңгене кәстрүлдәге ит янына салабыз. Барысын бергә сүрән утта пешерәбез.
Әзер азуны, болгатып алып, тәлинкәләргә салабыз, өстенә яшел тәмләткечләр сибеп, табынга бирәбез.
Бәрән итеннән әзерләгәндә, юка итеп боҗралап туралган суган ит белән бергә пешерелә.
Рецепт «Татар халык ашлары» китабыннан алынды. Китапны tatkniga.ru сайтында сатып алырга мөмкин.
