Азнакайда 23 яшьлек егет югалган
Егетнең якыннары битараф булмаган кешеләрдән ярдәм сорый.
Азнакай шәһәрендә 23 яшьлек Рунар Илдарович Хөснетдинов югалган. Бу турыда «Азнакаево» район басмасы язды.
Рунар Монолит микрорайонында яши. Ул 16 апрельдә иртәнге унынчы яртыда өйдән чыгып киткән. Шуннан бирле Рунар турында бер хәбәр дә юк. Ул әйләнеп кайтмаган.
Рунар Хөснетдинов чуар төсле куртка, зәңгәрсу джинс чалбар кигән, чыгып киткәндә яланбаш булган.
Егет төзелә торган йортларга таба киткән.
Рунар Хөснетдинов турында белешмәсе булган һәр кешедән 89178913132 номерына Нурия Касыймовнага шалтыратырга сорыйлар. «Һәр төрле мәгълүмат та әһәмиятле», — дип мөрәҗәгать егетнең якыннары барлык битараф булмаган кешеләргә.
