Азнакай районы Сәпәй авылының актив әби-апалары мобилизацияләнгән ир-атларга җылы оекбаш, бияләй һәм муенсалар бәйләячәк. Алар, һәр көн саен мәдәният йортына җыелып, йон эрләү эшен башлап җибәргәннәр инде. Апаларның бер төркеме йонны теткәли, икенче төркеме кабалар белән эрләп утыра.
«Бәйләнгән әйберләр солдатларга гуманитар ярдәм итеп җибәреләчәк. Шулай ук халыктан хәрбиләр өчен көндәлек кирәк-ярак, җылы өс киемнәре дә җыела», – дип хәбәр иттеләр авыл җирлегендә.
