Җырчы Ришат Фазлыйәхмәтов социаль челтәрдәге сәхифәсендә берничә җырыннан попурри ясап видео урнаштырган. Ул видео астында Ришатка матур, җылы комментарийлар белән бергә, «чәнечкеле»се дә килеп ирешкән.
– Ришат, Азнакайга концерт белән килергә тиеш идегез. Билетлар алдык. Авылдан районга концерт карарга дип бардык. Балалар Әлмәттән кадәр килделәр, концерт дип. Килмәдегез. Алдадыгыз. Башка сезнең концертыгызга билет алмыйбыз, – дип канәгатьсезлек белдергән Лилия ханым Сабирҗанова дигән кеше.
Үпкәләгән тамашачысына җавап итеп Ришат:
– Исәнмесез. Азнакайда халык концертка йөрмәгәч, мин гаепле түгел! Казанга килегез минем концертларыма. 100 процент була, – дигән.
Димәк, ни кызганыч, Ришатның Азнакайдагы концертына халык килмәгән…
Фото: Ришат Фазлыйәхмәтовның социаль челтәрдәге сәхифәсеннән