Димитровград шәһәре татар милли-мәдәни автономиясенең чираттан тыш конференциясендә яңа рәис сайладылар. Бу турыда «Өмет» газетасы хәбәр итте.
Җыелышта катнашучылар Марат Вәлиевны автономия рәисе вазыйфаларыннан азат иттеләр. Шәһәр татар автономиясенең яңа рәисе итеп бертавыштан Азат Мидаров сайланды. Ул берүк вакытта Мәләкәс районы татар автономиясе рәисе вазыйфаларын да башкарачак. Азат Рәшит улы Мәләкәс районы башлыгы, районның депутатлар Советы рәисе булып эшли, диелә хәбәрдә.