Алсу һәм Азат Фазлыевлар гаиләсенә шатлыклы хәбәр килеп ирешкән. Аларның олы уллары Аяз, биюдәге пары Җәмилә белән, Татарстан чемпионнары булганнар.
«Дуслар, без бүген Чабаксарда. Әле генә шундый яхшы хәбәр килде. Татартстанда бал биюләре буенча Татарстан чемпионаты бара. Улыбыз Аяз һәм Җәмилә Татарстан чемпионнары булганнар.
Балаларның уңышлары – әти-әни өчен зур бәхет ул. Үзләре яраткан эштә шундый уңышка ирешүләре генә ни тора. Без бик тә шатбыз, сүз белән генә аңлатып бетереп булмый.
Бик горурланабыз. Үз максатыгызга һәм көн 6-8 сәгать тир түгеп ирештегез, балалар», – дип сөйләде Азат сторисларында.
Фазлыевлар гаиләсе балаларының тренерларына да рәхмәт сүзләре җиткергән.