Азат Фазлыев: Кыш бабай үлгәнен балаларга ничек хәбәр итәргә?
Җырчы Азат Фазлыев кибетләрдә улларына Яңа ел бүләге эзләп йөргән.
"Бүген кибетләрдә балалар Яңа елга сораган әйберләрнең бәяләрен карап чыктым. Кыш бабай үлгәнен ничек хәбәр итәргә микән дип утырам хәзер", - дип язган җырчы.
"Яхшы идея бу", дип хуплап алган Азатның инстадуслары.
"Үлгән, дисәң кайгырырлар, пенсиягә чыккан дисәң, җиңелрәк булмасмы"?!;
"Пенсиягә чыккан дисәң, барыбер бүләк алырга кала бит Азат. Лучше үлгән диген";."Пенсионерның акчасы күп диярләр аннары".
"Кыш бабай күченеп киткән дисәгез инде".
"Кыш бабай банкрот".
"Ул үлгән бугай инде, һаман кыш юк бит эле", дип шаяртканнар.
"Без бәләкәй чакта, бер дә бүләк көтми идек. Сорамый да идек. Нишләп икән? Заманалар үзгәрде, без үзебез бозабыз ахры";
"Кыш бабайлар үлми" - дигән комментарийлар да бар.