Азат Фазлыев белән Гөлия Вәлиәхмәтова бәхәсләшкән. Барысы да Азатның 14 килограммга ябыгуы турында әйтүдән башланган.
Азат айга 5 килограммга ябыга алуы турында әйтә, ә Гөлия 7 кг ябыгырга куша. Алар бәхәсенә композитор Айдар Тимербаев та кушыла. «Өчәү Төркиягә барабыз. Гөлия, оттырган очракта, безне Төркиягә алып барачак», – дип белдерә ул.
«Төркия өчен 10 килога да ябыгам», – ди Азат.
«Әйдә, акчага!» – ди Гөлия һәм бәхәс бәясен 10 мең сум дип билгели, 100 мең бирергә җыенмавын әйтә.
Азат өенә кайткач үлчәүгә баса, авырлыгын теркәп куя. Ул 1 айдан 7 килога ябыгырга ниятли. Җырчы максатына ирешәчәгенә ышана. «Гөлиядән 10 мең сум алачакмын, әле, өстәп, Төркиягә юллама да да бирер», – дип шаярта.
Хәзер Азатның тырышып ябыкканын күзәтеп барачабыз – кем ота, кем оттыра...