Азат Абитовка операция ясаячаклар
«Кемдер бүген беренче тапкыр мәктәпкә бара, ә кемдер — беренче тапкыр операция өстәленә ята», — дип яза ул.
Ваһапов фестивале лауреаты Азат Абитовка операция ясаячаклар. Бу хакта җырчы үзенең инстаграм сәхифәсендә хәбәр итте.
«Беренче сентябрь көне белән! Кемдер бүген беренче тапкыр мәктәпкә бара, ә кемдер — беренче тапкыр операция өстәленә ята», — дип яза ул.
Азатның инстадуслары операцияне сукыр эчәгенә дип фаразлыйлар. «Алла ярдәм бирсен. Барысы да яхшы булсын», — диләр алар.
Азат Абитовка ни булганын белергә теләп, менеджерына шалтыраттык. Кызганыч, ул җавап бирергә теләмәде. «Аз гына сабыр итегез, иртәгә Азат үзе барысы турында да сөйләячәк», — диде ул.
Азатның операциясе артык җитди түгелдер дип ышанып калабыз. Җырчының тизрәк сәламәтләнеп чыгуын телибез.