Азат Абитов белән Гөлсирин Абдуллинаның гаиләсендә ишәю көтеләме?
Ваһапов фестиваленең социаль челтәрдәге төркемендә җырчыларның яңа фотосын куйганнар.
Фестиваль төркемендәге фотода Азат Абитов тазарып киткән, ә Гөлсирин Абдуллина үзгәргән кебек тоела. Фото янына: «Әллә күзгә күренә? Сезгә дә шулай тоеламы?!» - дип тә язып куйганнар.
Инстачылар яшь парның гаиләсе ишәергә җыена, дип фаразлый.
«Бәлки Гөлсирин корсаклыдыр. Йөзе үзгәргән»;
«Азатовна яки Азатович булырга охшап тора»;
«Күзләреннән күренә, ниндидер өметле шатлык. Мин бик шат сезнең өчен», - дигән комментарийлар калдырганнар.
Виртуаль дусларының кайберләре «Гөлсирин бизәнмәгән», «Фотога төшкәндә шулайрак басып кына төшкән», дип бу яңалыкны кире кагарга тырышкан.
«Азат корсаклымы әллә?»; «Икесе дә корсаклы бугай», дип шаяручылар да табылган.
Тамашачыларның бер өлеше Гөлсиринне мактаган, икенчеләре Азатны тазаруда гаепләгән.
«Афәрин! Гөлсирин тырышкан»;
«Азатка өйләнү килешкән»;
«Өйләнгәч корсак түгәрәкләнә инде ул. Димәк, хатыны яхшы тәрбияли»;
«Чын ир-атта корсак булырга тиеш»;
«Азат өйләнгәч иркенәеп киткән. Гөлсирин, тәмле пешермә!»;
«Ашаган малда өмет бар»;
«Азат корсак үстерә, килешми, спорт кирәк!»;
«Диета кирәк, артистлар матур булырга тиеш. Корсакны бетерергә кирәк», - дип комментарийлар язып калдырганнар.