Азат Абитов белән Гөлсирин Абдуллина никахында кодалар җырлаша: “Шушы бәхет түгелмени?”
Ваһапов фонды җырчылары Азат абитов белән Гөлсирин Абдуллина 5 апрель көнне никах үтте.
Туганлашу мәҗлесе Гөлсириннең туган ягы – Мамадыш районы Урта Кирмән авылында узды. Яшь кияү Азат Абитов туганнар җыелган табыннан матур бер видеоөзек куйган. Анда кода-кодачалар Гөлсирин репертуарыннан “Саулык бирсен бер Ходам” җырын башкара.
“Әти, әни, әби, абый һәм хатыным җырлый, бабай баянда уйный. Шушы түгелмени ул бәхет?” дип язган Азат.
Азатның дуслары яшь гаиләгә тигез тормыш, саф мәхәббәт тели.
